Eiður Smári ekki valinn | Hannes Þór með

Eiður Smári Guðjohnsen er ekki í leikmannahópi Íslands sem mætir Danmörku og Grikklandi í æfingaleikjum nú síðar í mánuðinum.

Eiður Smári er nú á mála hjá Molde í Noregi en tímabilið þar er nýhafið. Hann var í byrjunarliði Molde í leik gegn Tromsö um helgina og spilaði í 66 mínútur.

Hannes Þór Halldórsson, sem er nýkominn aftur af stað eftir meiðsli, er kominn aftur í landsliðshópinn en hann fór úr axlarlið á landsliðsæfingu í haust. Hann er nú í láni hjá norska liðinu Bodö/Glimt og hélt hreinu í 2-0 sigri á Sogndal.

Hannes er einn fjögurra markvarða í leikmannahópnum sem telur alls 24 leikmenn.

Ungir varnarmenn fá tækifærið

Fjórir ungir varnarmenn fá tækifærið nú - þeir Haukur Heiðar Hauksson, Hörður Björgvin Magnússon, Sverrir Ingi Ingason og Hjörtur Hermannsson.

Það er hins vegar ekki pláss fyrir Sölva Geir Ottesen og Hallgrím Jónasson að þessu sinni. Kristinn Jónsson og Hjörtur Logi Valgarðsson eru heldur ekki valdir nú.

Arnór Ingvi Traustason átti fína leiki með landsliðinu í æfingaleikjunum í janúar og fær tækifærið nú.

Aron og Björn Daníel bíða fyrir utan

Að öðru leyti er liðið skipað fastamönnum í landsliðinu og menn eins og Aron Sigurðarson og Björn Daníel Sverrisson, sem skoruðu frábær mörk í norsku deildinni um helgina eru ekki valdir.

Þetta er sterk vísbending um hvaða 23 leikmenn verða valdir í landsliðshópinn fyrir EM í Frakklandi í sumar en þar verður Ísland í riðli með Portúgal, Austurríki og Ungverjalandi.

Leikirnir:

24. mars Danmörk - Ísland

29. mars Grikkland - Ísland

Landsliðshópurinn:

Markverðir:

Hannes Þór Halldórsson, Bodö/Glimt

Gunnleifur Gunnleifsson, Breiðablik

Ögmundur Kristinsson, Hammarby

Ingvar Jónsson, Sandefjord

Varnarmenn:

Birkir Már Sævarsson, Hammarby

Ragnar Sigurðsson, Krasnodar

Kári Árnason, Malmö

Ari Freyr Skúlason, OB

Haukur Heiðar Hauksson, AIK

Hörður Björgvin Magnússon, Cesena

Sverrir Ingi Ingason, Lokeren

Hjörtur Hermannsson, IFK Gautaborg

Miðjumenn:

Aron Einar Gunnarsson, Cardiff City

Emil Hallfreðsson, Udinese

Birkir Bjarnason, Basel

Jóhann Berg Guðmundsson, Charlton

Gylfi Þór Sigurðsson, Swansea

Ólafur Ingi Skúlason, Genclerbirligi

Theodór Elmar Bjarnason, AGF

Arnór Ingvi Traustason, Norrköping

Sóknarmenn:

Kolbeinn Sigþórsson, Nantes

Alfreð Finnbogason, Augsburg

Jón Daði Böðvarsson, Kaiserslautern

Viðar Kjartansson, Malmö