Holly fékk kampavín í flugvélinni

Í nýjasta upphitunarþættinum fyrir UFC 196 keyrir Conor McGregor Rolls Royce bifreið sína frá Kaliforníu til Las Vegas en Holly Holm fór með flugvél.

Conor er ekki vel við að fljúga vikuna sem hann keppir þar sem flugið hefur áhrif á líkama hans í fullum undirbúningi. Í desember tók hann rútu frá Los Angeles til Las Vegas en núna keyrði hann sjálfur með unnustu sinni, Dee Devlin.

Holly Holm er að fara að verja titil sinn í fyrsta skipti á laugardag og flugfélagið, sem hún flaug með, gaf henni kampavín sem hún ætlar að geyma fram að helgi.

Nate Diaz viðurkennir í þættinum að það eina sem hafi farið í taugarnar á honum á blaðamannafundinum með Conor hafi verið er Írinn gerði lítið úr því að hann þyrfti að kenna til að draga björg í bú.

Sjá má þáttinn hér að ofan.

UFC 196 verður í beinni á Stöð 2 Sport aðfararnótt sunnudags. Tryggðu þér áskrift á 365.is.