Conor bardagamaður ársins hjá UFC

Árið var afar áhugavert í UFC þar sem við sáum nokkra nýja meistara og nýjar stjörnur skjótast upp á stjörnuhimininn.

Enginn sveif þó hærra en Írinn Conor McGregor sem tók UFC á bakið á árinu og flaug með sambandið í nýjar hæðir. Hann stóð við öll stóru orðin og endaði árið sem meistari.

Á heimasíðu UFC er búið að velja tíu bestu bardagamenn ársins og kemur ekki á óvart að McGregor skuli toppa þann lista. Allir koma til greina sem kepptu að minnsta kosti tvisvar á árinu.

Conor afgreiddi Dennis Siver, Chad Mendes og Jose Aldo á árinu og þar stendur eðlilega upp úr 13 sekúndna sigurinn á Aldo fyrr í mánuðinum.

Tíu bestu hjá UFC árið 2015:

1. Conor McGregor

2. Rafael dos Anjos

3. Joanna Jedrzejczyk

4. Holly Holm

5. Daniel Cormier

6. Luke Rockhold

7. Demtrious Johnson

8. Max Holloway

9. Tony Ferguson

10. Neil Magny