Sjáðu körfu ársins í Dominos-deildinni

Haukamaðurinn Kári Jónsson skoraði ótrúlega körfu í leiknum gegn Grindavík í gær.

Hún kom í lok þriðja leikhluta. Hann kastaði þá frá eigin þriggja stiga línu, yfir allan völlinn og boltinn fór beint ofan í. Lygilegt.

Kári kom Haukum yfir með þessari körfu í 50-49 og Haukarnir litu aldrei til baka og kláruðu leikinn.

Svona tilþrif er maður ekki vanur að sjá á íslenskum körfuboltaleikjum og því um að gera að horfa á þetta aftur og aftur.

Körfuna má sjá hér að ofan.