Van Persie og Memphis í átökum á æfingu

Mórallinn í hollenska landsliðinu virðist ekki vera upp á sitt besta þessa dagana.

Skal svo sem engan undra þar sem liðið hefur ekki náð neinu flugi í undankeppni EM.

Það slettist síðan upp á vinskapinn milli Robin van Persie og Memphis Depay á æfingu fyrir leik liðsins gegn Kasakstan á dögunum. Memphis er leikmaður Man. Utd en Van Persie fyrrum leikmaður félagsins.

„Það koma upp aðstæður þar sem leikmenn hugsa ekki eins. Síðan tala menn um málin. Það er það sem gerðist og síðan var þessu bara lokið," sagði landsliðsþjálfarinn Danny Blind um málið.

Van Persie var á bekknum í leiknum en Blind sagði það ekki tengjast þessum átökum á æfingunni.