Körfubolti

Mun borða 18 ára gamalt súkkulaðistykki ef Cleveland verður meistari

Hér má sjá súkkulaðistykkið góða sem bíður eftir því að komast í munn eiganda síns.
Hér má sjá súkkulaðistykkið góða sem bíður eftir því að komast í munn eiganda síns. mynd/twitter
Það er búið að finna opinbert súkkulaðistykki NBA-úrslitanna í ár.

Einum 22 árum eftir að súkkulaðistykki, sem var nefnt í höfuðið á Mark Price, kom út er möguleiki á þvi að maður muni borða það.

Mark Price bar heitir súkkulaðistykkið en Price var frábær skytta sem spilaði lengi vel með Cleveland. Þar sem Price var mikil þriggja stiga skytta var undirstaða sælgætisins í þrennu lagi - karamella, pekanhnetur og súkkulaði.

Maður í Cleveland hefur geymt eitt svona stykki í frystinum sínum í heil 18 ár. Hann hefur verið að bíða eftir rétta augnablikinu til þess að borða það.

Ef Cleveland verður NBA-meistari þá mun hann borða súkkulaðistykkið. Þessi yfirlýsing Timofey Brady hefur vakið mikla athygli á Twitter og meðal annars af Mark Price eins og sjá má hér að neðan.

NBA

Mest lesið


Fleiri fréttir

Sjá meira


×

Mest lesið