Syngur um látnar persónur úr Game of Thrones

Í tilefni af Degi rauða nefsins sem haldinn verður í Bandaríkjunum á morgun, samdi Peter Dinklage, ásamt hljómsveitinni Coldplay, lagið Still Going Strong. Lagið fjallar um fallnar hetjur Game of Thrones þáttanna þar sem Dinkalge leikur Tyrion Lannister.

Þetta er ekki í fyrsta sinn sem Coldplay kemur að Game of Thrones en Will Champion, trommari hljómsveitarinnar, var í þættinum um Rauða brúðkaupið.

Samkvæmt Facebookfærslu Coldplay virðast meðlimir hljómsveitarinnar hafa samið söngleik um Game of Thrones sem væntanlega verður sýndur á NBC annað kvöld.

Here's Peter Dinklage performing for our Game of Thrones musical for Red Nose Day USA! Watch this Thursday at 8/7c on NBC in the U.S. #RedNose

Posted by Coldplay on Tuesday, May 19, 2015