Hvað er bankinn þinn að rukka þig um mikið og fyrir hvað?

Vísir greindi frá því fyrr í dag að stóru viðskiptabankarnir þrír, Landsbankinn, Íslandsbanki og Arion banki, hafi fengið samtals um 30 milljarða í sinn hlut vegna þjónustugjalda á síðasta ári.

En fyrir hvað ætli bankarnir séu að rukka og hvað mikið? Vísir tók saman nokkur af þeim gjöldum sem viðskiptavinir bankanna þurfa að greiða en tölurnar eru byggðar á skýrslu Neytendasamtakanna sem birtist í lok janúar.

 

Það kostar að vera með debetkort og nota það:

Landsbankinn:



Árgjald debetkorts: 495 krónur

Debetkortafærsla: 16 krónur

Úttekt í hraðbanka erlendis: 2% af upphæðinni

Greitt með debetkorti erlendis: 1% af upphæðinni

Úttekt í hraðbanka viðkomandi banka, fyrir aðra en viðskiptavini: 0,75% af upphæðinni

Íslandsbanki:

Árgjald debetkorts: 650 krónur

Debetkortafærsla: 18 krónur

Úttekt í hraðbanka erlendis: 2% af upphæðinni

Greitt með debetkorti erlendis: 1% af upphæðinni

Úttekt í hraðbanka viðkomandi banka, fyrir aðra en viðskiptavini: 150 krónur

Arion banki:

Árgjald debetkorts: 750 krónur

Debetkortafærsla: 18 krónur

Úttekt í hraðbanka erlendis: 2% af upphæðinni en þó alltaf 650 krónur í lágmarksþóknun.

Greitt með debetkorti erlendis: 1% af upphæðinni

Úttekt í hraðbanka viðkomandi banka, fyrir aðra en viðskiptavini: 155 krónur

Kreditkortanotkun kostar einnig sitt, en skemmst er að minnast þess þegar Ragna Ingólfsdóttir borgaði tæpar 700 krónur fyrir að taka 20 þúsund krónur út úr hraðbanka með kreditkorti sínu:

Landsbankinn:

Innlend úttekt reiðufjár, þóknun: 2,20% (Visa og MasterCard)

Innlend úttekt reiðufjár, úttektargjald: 120 krónur (Visa og MasterCard)

Erlend úttekt reiðufjár, þóknun: 2,75% hjá Visa/2,50% hjá MasterCard

Erlend úttekt reiðufjár, lágmarksþóknun: 690 krónur hjá Visa/440 krónur hjá MasterCard

Íslandsbanki:

Innlend úttekt reiðufjár, þóknun: 2,20% (Visa og MasterCard)

Innlend úttekt reiðufjár, úttektargjald: 115 krónur (Visa og MasterCard)

Erlend úttekt reiðufjár, þóknun: 2,75% (Visa og MasterCard)

Erlend úttekt reiðufjár, þóknun: 690 krónur hjá Visa/650 krónur hjá MasterCard

Arion banki:

Innlend úttekt reiðufjár, þóknun: 2,20% (Visa)

Innlend úttekt reiðufjár, úttektargjald: 110 krónur í hraðbanka/180 krónur hjá gjaldkera (Visa)

Erlend úttekt reiðufjár, þóknun: 2,75% (Visa)

Erlend úttekt reiðufjár, þóknun: 690 krónur (Visa)

Þá er ekki ókeypis að fara í útibúið og sækja sér þjónustu þar eða í þjónustuverum bankanna:

Landsbankinn:

Millifærslur í síma: 100 krónur

Innborgun á reikning í öðrum banka: 100 krónur

Staða og færslur lesnar upp af starfsmanni: 95 krónur

Íslandsbanki:

Millifærslur á reikning í Íslandsbanka: Ekki tekið fram

Millifærslur á reikning í öðrum banka: 125 krónur

Afgreiðslugjald vegna þjónustu utan hefðbundins opnunartíma: 250 krónur

Staða og færslur lesnar upp af starfsmanni: 150 krónur

Arion banki:

Millifærslur á reikninga í Arion og öðrum bönkum, innborgun og greiðslur reikninga og kreditkorta: 120 krónur

Afgreiðslugjald utan hefðbundins opnunartíma: 290 krónur

Staða og færslur lesnar upp af starfsmanni: 75 krónur

Í skýrslu Neytendasamtakanna kemur eftirfarandi fram í sambandi við gjöld sem greidd eru vegna þjónustu í útibúi og þjónustuveri:

„Í byrjun mars mun Arionbanki hefja gjaldtöku fyrir afgreiðslu hjá gjaldkera fyrir viðskiptavini annarra banka. Ekki er ólíklegt að aðrir bankar fylgi í kjölfarið. Arionbanki virðist vera leiðandi með nýja gjaldskrárliði og þjónustu. Rétt er að geta þess að bankarnir hafa þjónustusíma (515 4444) þar sem viðskiptavinir geta fengið upplýsingar og framkvæmt ýmsar greiðslur án þess að tala við starfsmann, það kostar ekkert nema símtalið.“

Þessi samantekt er að sjálfsögðu ekki tæmandi en verðskrár allra bankanna má nálgast á heimasíðum þeirra. Í samantekt Neytendasamtakanna kemur fram að samanburður sé ekki alltaf einfaldur þar sem nöfn og skilmálar geta verið ólíkir fyrir svipaða þjónustu.

Það getur því erfitt fyrir viðskiptavini bankanna „að átta sig á hvaða viðvik eru gjaldfærð og hver ekki, en ljóst er að fleiri og fleiri viðvik bankans fyrir viðskiptavini eru orðin að gjaldliðum,“ eins og segir í skýrslu Neytendasamtakanna.

Uppfært: Verðskrá arion banka hafi verið breytt frá því sem var í skýrslu Neytendasamtakanna. Í pósti frá bankanum segir jafnframt að ekki standi til að fara fram með upphaflega áætlaðar hækkanir í mars.