Erlent

Vígamenn ná annarri borg á sitt vald

vísir/afp
Vígamenn súnníta í Isis samtökunum hafa náð borginni Tal Afar í norðurhluta Íraks, að því er íbúar segja.

Bardagi um borgina hófst í gær með því að vígamenn Isis skutu úr sprengjuvörpum á borgina áður en þeir réðust inn í hana. Í síðustu viku náðu þeir stjórn á stórum borgum á borð við Mosul og Tikrit ásamt smærri bæjum en íraski herinn er sagður hafa náð hluta þeirra á sitt vald á ný.

Stjórnvöld í Bandaríkjunum og í Íran eru nú að íhuga að efna til beinna viðræðna vegna ástandsins í Írak. Ríkin tvö hafa lengi eldað grátt silfur en sókn ISIS hreyfingarinnar gæti gefið þeim tilefni til að slíðra sverðin og sameinast í baráttunni gegn samtökunum.

Forseti Írans, Hassan Rouhani hefur sagt að Íranir muni taka það til alvarlegrar skoðunar hvort til samstarfs gæti komið fari svo að Bandaríkjamenn ákveði að skipta sér af þróun mála í Írak. Íranar eru sjía múslimar en liðsmenn Isis fylgja súnní sið.

Bandaríska flugmóðurskipið George HW Bush hefur verið sent í Persaflóann ásamt tveimur orrustuskipum en Obama forseti hefur aftekið með öllu að hermenn verði sendir til aðgerða á jörðu niðri.

ISIS samtökin eru súnní trúar á meðan Íranar eru shjíar en samtökin eru sögð hafa framið ýmis voðaverk gegn shjíum í Írak síðustu daga.

Mið-Austurlönd

Tengdar fréttir

Ótryggt ástand í Írak

Íbúar í Baghdad búa sig undir hernaðarátök í borginni, eftir að herskáir uppreisnarmenn hertu ítök sín í landinu enn frekar. Stjórnvöld í Írak vinna að því að fá íbúa til að mynda vopnaðar sveitir til að freista þess að ná borgum aftur úr höndum uppreisnarmanna.

Sigurganga ISIS í Írak heldur áfram

Herskáir íslamistar hafa nú náð borginni Tikrit á sitt vald, degi eftir að borgin Mosul féll í þeirra hendur. Her og lögregla forðuðu sér í kjölfar átaka og almenningur flýr borgirnar. Núri al Maliki forseti vill refsa þeim hermönnum sem flúðu.

Hálf milljón flýr Mosul

Allt að hálf milljón manna hefur nú flúið borgina Mosul, þá næststærstu í Írak eftir að íslamistar náðu þar völdum í gær. Á meðal þeirra sem lögðu á flótta voru hermenn stjórnarhersins en vígamennirnir, sem tilheyra samtökunum ISIS, ráða nú lögum og lofum í öllu héraðinu.

Bandaríkin og Íran íhuga að ræða ástandið í Írak

Stjórnvöld í Bandaríkjunum og í Íran eru nú að íhuga að efna til beinna viðræðna vegna ástandsins í Írak. Ríkin tvö hafa lengi eldað grátt silfur en sókn ISIS hreyfingarinnar í Írak gæti gefið þeim tilefni til að slíðra sverðin og sameinast í baráttunni gegn samtökunum.

Tóku fjölda hermanna af lífi

Öfgahópurinn sem stjórnar stórum landsvæðum í Írak og Sýrlandi birtu í dag myndir af fjöldamorði þeirra á hermönnum í Írak.

Almenningur forðar sér frá Mosul

Næst stærsta borg Íraks er í höndum herskárra íslamista, sem hrakið hafa stjórnarherinn og lögreglu burt úr borginni.

Íslamistar ná völdum í Mosul

Vígamenn Íslamista hafa náð stjórninni á næst stærstu borg Íraks, Mosul. Árásir hafa verið geðrar á borgina síðustu daga og lokaatlagan var gerð í nótt sem hundruð manna tóku þátt í og voru þeir vel vopnum búnir.

Neyðarástandi lýst yfir: Þúsundir flýja Mosul

Um hundrað og fimmtíu þúsund hafa flúið borgina og þar eru á meðal fjöldi hermanna og lögreglumanna sem hafa klætt sig sem almenna borgara, af ótta við að verða fyrir barðinu á uppreisnarmönnunum.

Valdamesti hryðjuverkaleiðtoginn síðan Bin Laden var og hét

Talið er að uppreisnarmenn leynist í íraska hernum og stjórnvöld virðast telja við ofurefli að etja. Íranar og Bandaríkjamenn hafa heitið aðstoð en leiðtogi uppreisnarmanna er sagður áhrifamesti hryðjuverkaleiðtoginn síðan Osama Bin Laden var og hét.

Mest lesið


Fleiri fréttir

Sjá meira


×

Mest lesið