Tekur Presley í karókí

Þriðja undanúrslitakvöld Ísland Got Talent verður sýnt í beinni útsendingu á Stöð 2 á sunnudagskvöldið.

Í þættinum berjast keppendur um pláss í úrslitaþættinum. Aron Hannes er meðal keppenda og við kynnumst honum aðeins betur.

Fullt nafn: Aron Hannes Emilsson

Aldur: Nýorðinn 17 ára

Símanúmer til að kjósa hann í Ísland Got Talent: 9009508

Af hverju á fólk að kjósa þig?

Ef fólk fílar mig sem söngvara og tónlistarmann og langar að hjálpa mér til að láta drauminn minn rætast, þá má fólk endilega gefa mér eitt eða fleiri atkvæði. Því fleiri atkvæði, því meiri líkur á að þú gætir unnið rosa sjónvarp! Bara win/win-dæmi.

Hvaða lag tekur þú í karókí?

Feeling good og flest lög með Presley. 

Jón Jónsson eða Þórunn Antonía?

Jón Jónsson er frábær gaur og hann hefur alltaf haft trú á mér. Svo er hann líka bara ein besta fyrirmyndin, og þó víðar væri leitað, hann fengi allavega helling af atkvæðum frá mér ef hann væri að keppa í Got Talent. Hins vegar er Þórunn frábær söng- og listakona og svo er útlitið ekki að skemma fyrir henni.