Matardagbók Svala

Svali Kaldalóns, útvarps- og sjónvarpsmaður opnar matardagbókina sína fyrir okkur en hann er grjótharður í ræktinni samhliða fjölmiðlastarfinu sem hann sinnir alla virka daga með Svavari Erni Svavarssyni hárgreiðslumanni með meiru.

„Ég æfi sirka fimm til sex sinnum í viku þegar öll rútína er í lagi en annars sirka fjórum sinnum. Það gerist bara þegar mest er að gera en ekki svo oft.  Ég beygi og pressa þrisvar í viku og tek „Wod“ dagsins í Crossfit. Ég hleyp tvisvar í viku, stutta spretti og eitt lengra hlaup og hefðbundið Crossfit með því,“ segir Svali þegar talið berst að hreyfingunni hans rét áður en hann þylur upp matardagbókina.

Matardagbók Svala

05:45 Tvær sólkjarnabrauðsneiðar með osti eða flatkökur, vatnsglas, omega 3 töflur og fjölvítamín.

07:30 Grautur/AB mjólk með höfrum og hámark. 

10:00 Viper, nett boost fyrir æfingu og mögulega ávöxtur með.

12:30 - 13:30 Æfing.

13:45 Cyclone drykkur - þá er ég tala um protein, creatin og fleira. Ég fer svo í mat. Hálfur kjúlli, grænmeti og þess háttar annað hvort á Hananum eða Gló eða einhverjum ámóta stað.

16 - 17 Eitthvað snarl -  getur verið hvað sem er. Ekki endilega eitthvað hollt.

19:00  Kvöldmatur - þá bara það sem er í matinn hverju sinni.

20:00 - 22:30 Ég er agalegur í öllum skápum öll kvöld. Protein fyrir svefninn, eða þegar ég man það. 

23:00 Ég er yfirleitt dottinn fyrir ellefu.

Sjáið strákinn - á fullri ferð hérna.

Á fullu í vinnunni

„Við Svavar erum bara á fullu að gera morgunþáttinn okkar á K100 eins góðan og okkur er unnt og svo erum byrjaðir með sjónvarpsþátt á Skjá Einum að tala um hvernig hægt er að taka skrefið í bættum lífsstíl. Við reynum að gera það bara með okkar nefi og höfum þetta létt og skemmtilegt í anda morgunþáttarins,“ segir Svali.