Stewie Griffin í faðmi bresku konungsfjölskyldunnar

Skírnarmyndir Georgs prins hafa fengið andlitslyftingu frá framleiðendum Family Guy-þáttanna. Birt hefur verið mynd sem gerð var í tilefni af DVD-útgáfu tólftu seríu þáttanna þar sem Georg litla hefur verið skipt út fyrir smábarnið illgjarna, Stewie Griffin.

Í einum þáttanna í tólftu seríu kemst heimilisfaðirinn Peter að því að hann á ættir sínar að rekja til bresku konungsfjölskyldunnar og breytir þessi vinsæla teiknimyndafjölskylda lifnaðarháttum sínum í kjölfarið.