Haye og Fury mætast ekki um helgina | Bardaginn fer fram í febrúar

Hnefaleikakapparnir David Haye og Tyson Fury munu mætast þann 8. febrúar næstkomandi í Manchester en áður áttu þeir að mætast á laugardagskvöldið.

Haye fékk vænan skurð rétt fyrir ofan auga á æfingu um helgina og þurfti því að fresta bardaganum. Sauma þurfti sex spor og fékk kappinn ekki samþykki fyrir því að taka þátt í bardaganum.

„Aðdáendur mínir fá því tækifæri til að sjá mig eftir allt saman. Þeir eiga eftir að sjá mig rota Tyson Fury á einstakan hátt,“ sagði David Haye á blaðamannafundi þegar bardaginn var kynntur.