Læsti sig inni á klósetti

Hans-Joachim Watzke, stjórnarformaður Dortmund, átti erfitt með að fylgjast með lokamínútunum á Bernabeu í Madríd í kvöld.

Madríd skoraði tvö mörk á síðustu tíu mínútum leiksins og þurftu aðeins eitt til viðbótar til þess að tryggja sér sigur í einvíginu.

„Þetta var í fyrsta skipti á ævi minni sem ég hef þurft að hætta að horfa á knattspyrnuleik því ég taldi að hjarta mitt réði ekki við spennuna," sagði Watzke við blaðamenn í Madríd.

„Ég læsti mig inni á klósetti og hélt fyrir eyrun. Ég heyrði engin frekari fagnaðarlæti svo ég sneri aftur á völlinn þegar mínúta lifði leiks. Við erum áskrifendur að dramatískum lokamínútum," sagði Watzke kampakátur.