Ber sérhannaðan hring

Justin Timberlake hannaði sjálfur trúlofunarhringinn sem hann gaf unnustu sinni, Jessicu Biel, en samkvæmt US Weekly er stúlkan ekki alltof hrifin af hönnun unnustans.

Timberlake ráðfærði sig fyrst við stílista Biel um útlit og lögun hringsins en ákvað að lokum að hanna hringinn eftir eigin höfði. „Stílisti Jessicu veit hvað hún vill og hvað fer henni best. Justin talaði við hana fyrst en ákvað svo að hanna hringinn sjálfur án þess að ráðfæra sig við hana. Jessica er ánægð með hringinn en hann er mjög á skjön við hennar persónulega stíl," hafði tímaritið eftir heimildarmanni.