Samdi lag til stuðnings Pussy Riot

Á föstudaginn mun dómari kveða upp dóm yfir stúlkunum í hljómsveitinni Pussy Riot en þær gætu átt yfir höfði sér sjö ára fangelsi verði þær fundnar sekar um að mótmæla í dómkirkjunni í Moskvu í febrúar á þessu ári.

Fjölmargir listamenn hafa krafist þess að stúlkurnar verði látnar lausar úr haldi. Þar á meðal íslenska tónlistarkonan Björk.

Tónlistarkonan Peaches hefur nú gefið út lag sem kallast einfaldlega „Free Pussy Riot" en í myndbandinu koma fyrir meðlimir hljómsveita á borð við Lykke Li, Peter Bjorn And John og The Hives.

Hvort að myndbandið verði til þess að dómarinn í Rússlandi sýkni stúlkurnar, verður að koma í ljós á föstudag.

Hægt er að horfa á myndbandið hér.