Glódís og Kamban tvöfaldir sigurvegarar

Glódís Rún Sigurðardóttir og Kamban frá Húsavík sigruðu í A-úrslitum í barnaflokki á Landsmóti hestamanna á Hvammsvelli í Víðidalnum í dag.

Glódís og Kamban hlutu 9,02 í meðaleinkunn en þetta eru önnur verðlaun þeirra á landsmótinu. Aron Freyr Sigurðsson og Hlynur frá Haukatungu Syðri, sem tryggðu sér sæti í A-úrslitum með sigri í B-úrslitum, lentu í öðru sæti með 8,72 í einkunn.

Sylvía Sól Guðmundsdóttir lenti í því óhappi að hesturinn fór úr braut og því gátu þau ekki haldið áfram keppni. Sylvía Sól var önnur inn í A-úrslitin svo um mikil vonbrigði var vafalítið að ræða fyrir knapann unga.

Úrslitin í A-úrslitum í barnaflokki

1. Glódís Rún Sigurðardóttir Kamban frá Húsavík 9,14 - 9,46 - 8,60 - 8,88 = 9,02

2. Aron Freyr Sigurðarson Hlynur frá Haukatungu Syðri 8,70 - 8,86 - 8,56 - 8,75 = 8,72

3. Telma Dögg Tómasdóttir Taktur frá Torfunesi 8,66 - 8,78 - 8,36 - 8,52 = 8,58

4. Viktor Aron Adolfsson Leikur frá Miðhjáleigu 8,50 - 8,64 - 8,44 - 8,44 = 8,56

5. Bríet Guðmundsdóttir 8,44 - 8,52 - 8,38 - 8,52 = 8,47

6. Vilborg María Ísleifsdóttir 8,42 - 8,56 - 8,22 - 8,36 = 8,39

7. Annika Rut Arnarsdóttir Gáta frá Herriðarhóli 8,36 - 8,46 - 8,18 - 8,34 = 8,34

8. Sylvía Sól Guðmundsdóttir Skorri frá Skriðulandi.