Guardiola: Zlatan átti stóran þátt í titlinum er hann lék með okkur

Það hefur andað köldu á milli Pep Guardiola, þjálfara Barcelona, og Zlatan Ibrahimovic, leikmanns AC Milan, nánast allt frá því að Zlatan gekk í raðir Barca árið 2010.

Þar lék hann í eina leiktíð undir stjórn Guardiola sem síðan losaði sig við leikmanninn. Zlatan hefur æ síðan verið gjarn á að láta þjálfarann heyra það.

Guardiola talaði aftur á móti vel um hann fyrir leikinn gegn Milan í kvöld.

"Ibrahimovic var mikilvægur okkar liði þegar hann var þar. Hann hjálpaði okkur mikið og fyrst sex mánuðirnir voru frábærir. Hann á stóran hluta í meistaratitli okkar þá leiktíð," sagði Guardiola sem hlakkar til leiksins í kvöld.

"San Siro er einn flottasti völlur heims. Þegar það eru læti hérna þá eru heldur betur læti. Það er alltaf heiður að fá að taka þátt í leik hér. Ég er sannfærður um að þetta verði frábær leikur."