Cristiano Ronaldo: Mourinho verður áfram hjá Real Madrid

Cristiano Ronaldo, framherji Real Madrid, er sannfærður um að Jose Mourinho verði áfram þjálfari Real Madrid á næsta tímabili en það hafa verið sögusagnir í gangi um að portúgalski þjálfarinn sé á leiðinni frá Bernabeu.

„Mourinho verður áfram hjá okkur, ég er viss um það," sagði Cristiano Ronaldo á blaðamannafundi fyrir seinni leik Real Madrid og CSKA Moskvu í sextán liða úrslitum Meistaradeildarinnar.

Ronaldo gaf heldur ekki mikið fyrir orðróm um að Silvio Berlusconi, eigandi AC Milan, væri að undirbúa tilboð í hann. Ronaldo er mjög sáttur í Madrid.

„Ég er alltaf að bæta mig á hverju tímabili. Hjá Real Madrid verð ég að bæta mig til þess að halda í við liðsfélagana mína. Það er frábært að vera hér og ég er mjög ánægður," sagði Cristiano Ronaldo en hann er búinn að skora 126 mörk í 127 leikjum síðan að hann kom til Real.

„Real Madrid er mikilvægara en ég eða Mourinho. Við erum að gera það gott en það bíður okkar erfiður leikur á miðvikudaginn," sagði Ronaldo.