Rooney spilar líklega á morgun

Sir Alex Ferguson, stjóri Man. Utd, er bjartsýnn á að Wayne Rooney geti spilað Meistaradeildarleikinn mikilvæga gegn Benfica á morgun. Rooney gat ekki æft með liðinu í morgun.

Benfica og Man. Utd eru efst og jöfn með átta stig í riðlinum en Basel er skammt undan með fimm stig. Það er því mikið undir annað kvöld.

"Rooney er aðeins lemstraður eftir að hafa fengið mörg spörk í leiknum gegn Swansea um helgina og því fannst okkur rétt að gefa honum hvíld," sagði Ferguson en hann segir að ekkert verði gefið gegn Benfica á morgun enda mikið undir.

"Þetta er risaleikur gegn góðu liði sem á sér mikla sögu."