Villas-Boas: Það er til svokallaður Fergie-tími í leikjum

Andre Villas-Boas, stjóri Chelsea, gefur ekki mikið fyrir þær fullyrðingar að hann þurfi hjálp í starfi sínu á Stamford Bridge en Chelsea-liðið hefur tapað fjórum af sex síðustu leikjum sínum í ensku úrvalsdeildinni og Meistaradeildinni.

Enskir fjölmiðlar hafa ýjað að því að Guus Hiddink verði ráðinn til Chelsea til þess að aðstoða portúgalska stjórann en Villas-Boas hefur verið gagnrýndir fyrir bæði leikstíl og leikmannaval sitt.

„Ég er ekki sammála því að ég þurfi hjálp. Ég er ekki að fara að leysa vandamálin upp og á mitt einsdæmi því ég ætla að leysa þau með góðum hópi fólks og með mínum leikmönnum," sagði Andre Villas-Boas.

„Ég held í trúna á mig sjálfan og trúna á mína leikmenn," sagði Villas-Boas sem segist hafa enn stuðning frá eigandanum Roman Abramovich. Chelsea hefur tapað tveimur síðustu leikjum sínum á marki á lokamínútunum þar sem að liðið hafði áður fengið góð færi til að tryggja sér sigur.

„Það er til svokallaður Fergie-tími í leikjunum og Manchester United er mjög öflugt í að nýta sér þann tíma vel. Það er bara þannig í fótbolta að það skiptir öllu að halda einbeitingunni á lokamínútunum," sagði Villas-Boas.