Klitschko vill enn slást við Haye

Umboðsmaður Klitschko-bræðrana segir að ekki sé enn búið að útiloka bardaga á milli Vitali Klitschko og David Haye þó svo hermt sé að Haye ætli að leggja hanskana á hilluna.

Haye hefur alltaf sagt að hann muni ekki berjast þegar hann er orðinn 31 árs og hann nær þeim aldri á morgun. Hann hefur þess utan sent hnefaleikasambandi Bretlands bréf þar sem fram kemur að hann muni ekki endurnýja keppnisleyfið sitt sem rennur út í desember.

Umboðsmaður Klitschko segist enn vera í viðræðum við umboðsmann Haye um bardaga á næsta ári. Sá bardagi myndi örugglega skapa báðum aðilum gríðarmiklar tekjur.

Það gæti því orðið erfitt fyrir Haye að láta sig hverfa af sjónarsviðinu.