Fótbolti

Mancini vill Tevez í burtu frá City

Eiríkur Stefán Ásgeirsson skrifar
Carlos Tevez gengur frá Allianz Arena í kvöld.
Carlos Tevez gengur frá Allianz Arena í kvöld. Nordic Photos / Getty Images
Roberto Mancini, knattspyrnustjóri Manchester City, vill losna við Carlos Tevez frá félaginu eftir að sá síðarnefndi neitaði að koma inn á sem varamaður gegn Bayern München í Meistaradeild Evrópu í kvöld.

Mancini var afar óánægður með Tevez eftir leikinn í kvöld eins og áður hefur komið fram hér á Vísi. „Ef ég fæ einhverju ráðið fer hann frá félaginu,“ er haft eftir Mancini á fréttavef BBC. „Hvað mig varðar er hann búinn.“

„Hann neitaði að koma inn á. Það sem ég sagði við Tevez ætla ég að halda á milli okkar í liðinu en ég varð fyrir miklum vonbrigðum með Carlos. Það er ég sem ákveð hvenær menn eiga að koma inn á og spila.“

„Þetta er í raun vonlausar aðstæður. Það skiptir máli að leikmenn hjálpi liðinu sínu. Þetta er mjög slæmt.“

„Það er alveg ljóst að leikmaður, sem fær mjög vel borgað frá Manchester City, getur ekki neitað því að spila fyrir félagið. Við munum ræða þetta mál við stjórnarformanninn á næstu dögum.“

Meistaradeild Evrópu

Tengdar fréttir

Carlos Tevez neitaði að koma inn á

Roberto Mancini, knattspyrnustjóri Manchester City, staðfesti eftir leik liðsins gegn Bayern München í Meistaradeild Evrópu í kvöld að Carlos Tevez hafi neitað að koma inn á sem varamaður í leiknum. Það er ólíklegt að hann spili aftur fyrir City úr þessu.

Tevez: Reyni að gera mitt besta

Carlos Tevez sagði í raun lítið um ástæður sínar fyrir því að hafa neitað að koma inn á sem varamaður í leik Manchester City gegn Bayern München í Meistaradeild Evrópu í kvöld. Hann ítrekaði aðeins að hann væri óánægður hjá félaginu í viðtölum við fjölmiðlamenn eftir leikinn.

Mest lesið


Fleiri fréttir

Sjá meira


×

Mest lesið