Villas-Boas: Þetta var sanngjarn sigur

Andre Villas-Boas, stjóri Chelsea, var að vonum ánægður með sigurinn gegn Bayer Leverkusen í Meistaradeildinni í kvöld. Það tók Chelsea 67 mínútur að brjóta Leverkusen niður og enska liðið vann að lokum 2-0 sigur.

"Þetta var virkilega erfiður leikur fyrir okkur. Við sköpuðum samt mikið af færum framan af og hefðum getað klárað leikinn," sagði Villas-Boas.

"Svo kom Petr Cech okkur líka til bjargar er á þurfti að halda. Þetta var samt sanngjarn sigur hjá okkur. Leikmenn lögðu sig virkilega vel fram og við áttum mörg skot að marki. Við erum mjög sáttir við þetta kvöld."