Klitschko: Hefði viljað rota Haye

Wladimir Klitschko var alls ekki sáttur við hegðun David Haye í kvöld en Bretinn labbaði ekki í hringinn fyrr en rúmum tíu mínútum eftir að hann var kallaður á svið.

"Ég er alls ekki ánægður með þessa hegðun hjá honum. Ég hefði líka viljað rota hann en þeir sem sáu bardagann vita hver var betri," sagði Klitschko en allir dómararnir dæmdu honum öruggan sigur.

"Var ég varkár? Hann var það líka þó svo hann hafi verið fljótur á fótunum. Þess vegna gat ég ekki rotað hann.

"Hann náði inn nokkrum höggum en ég var aldrei meiddur. Haye hefur gagnrýnt andstæðinga sína fyrir hegðun í lok bardaga en hann hafði sér nákvæmlega eins í kvöld," sagði Klitschko.