Ferguson: Besta lið sem við höfum mætt

Sir Alex Ferguson, stjóra Manchester United, tókst ekki að jafna met Bob Paisley í kvöld með því að vinna Evrópukeppni meistaraliða í þriðja sinn. United tapaði 1-3 á móti frábæru liði Barcelona í úrslitaleik Meistaradeildarinnar á Wembley.

„Ég bjóst við því að við myndum spila betur í þessum leik en við verðum bara að viðurkenna að við töpuðum fyrir betra liði. Þetta Barcelona-lið er besta lið sem við höfum mætt," sagði Sir Alex Ferguson.

„Þetta er búið að vera gott tímabil hjá okkur og við komust tvisvar á Wembley. Það synd að það skuli enda með svona vonbrigðum en það er engin skömm að tapa fyrir Barcelona," sagði Ferguson.

„Við erum búnir að sanna það að við erum gott lið í Evrópu en stundum mætir þú bara liði sem er betra og þetta var eitt af þeim kvöldum," sagði Ferguson.