Guardiola: Ég verð eitt ár til viðbótar hjá Barcelona

Pep Guardiola, þjálfari Barcelona, tilkynnti það eftir sigurinn á Manchester United í kvöld í úrslitaleik Meistaradeildarinnar á Wembley að hann verði áfram með Barca-liðið.

Það var uppi orðrómur fyrir úrslitaleikinn að Guardiola væri að hugsa um að hætta með Barcelona-liðið eftir leikinn en Guardiola eyddi öllum vafa með því að lýsa því yfir að hann verði áfram þjálfari besta fótboltaliðs heims.

Pep Guardiola var að vinna sinn tíunda titil með Barcelona en hann tók við liðinu fyrir 2008-09 tímabilið.

Tíu titlar Guardiola sem þjálfari Barcelona:Spænska deildin: 3 - 2008–09, 2009–10, 2010–11

Spænski bikarinn: 1 - 2008-09

Meistarakeppnin á Spáni: 2 - 2009, 2010

Meistaradeildin: 2 - 2008-09, 2010-11

Meistarakeppni UEFA: 1 - 2009

Heimsbikar félagsliða: 1 -  2009