Walcott: Sýndum frábæran karakter

„Þetta var klárlega frábær leikur fyrir alla hlutlausa sem fylgdust með. Að fá að taka þátt í þessum leik var meiriháttar," sagði Theo Walcott, leikmaður Arsenal, en innkoma hans í kvöld skipti sköpum.

Hann skoraði fyrra mark Arsenal í leiknum, sem fór 2-2, og hleypti verulega lífi í sitt lið.

„Ég vissi alltaf að ég gæti sýnt hvað ég gæti ef ég fengi tækifæri til þess að spila. Það hefur verið svekkjandi að sitja svolítið á bekknum í síðustu leikjum en liðið stóð sig frábærlega í kvöld. Ekki bara ég. Við sýndum frábæran karakter."