Ólafur Ragnar hafnar siðferðilegum áfellisdómi rannsóknarefndar

Ólafur Ragnar Grímsson, forseti Íslands, segir skýrslu siðanefndar í Rannsóknarskýrslu Alþingis vera uppfulla af rangfærslum og villum. Þetta sagði hann í viðtali í Síðdegisútvarpinu á Rás tvö í dag.

Hann sagðist meðal annars ekki hafa flogið með Ingibjörgu Pálmadóttur í einkaþotu Baugs auk þess sem hann hitti ekki Al Thani sem sætir rannsókn sérstaks saksóknara.

Skýrslan er verulega harðorð í garð forsetans og leggur hún til að embættið verði endurskilgreint. Ólafur hafnar því að hann hafi beitt embættinu á óeðlilegan hátt. Þá sagði hann það fráleitt að hann skyldi segja af sér vegna þessa.

Þá gagnrýnir hann nefndina harðlega fyrir að fara svo oft með rangt mál á svo fáum síðum. Ólafur fagnað því hinsvegar að í öllum sjö bindum rannsóknarskýrslunnar sé ekkert minnst á forsetaembættið.