Cole: Það er mikið hungur í þessu liði

Chelsea hefur farið mikinn í Meistaradeildinni í vetur og tryggði sig inn í sextán liða úrslitin í kvöld með öruggum sigri á Spartak Moskvu.

Bakvörðurinn Ashley Cole segir að liðið geti enn bætt sig þó svo það sé að spila afar vel.

"Við erum ekki að spila jafn vel og í upphafi leiktíðar en við erum samt að ná réttum úrslitum sem skiptir öllu," sagði Cole.

"Það er mikið hungur í þessu liði og við viljum vinna allar keppnir sem við tökum þátt í. Það er samt enn langt í land."