Frings: Eigum ekki skilið að klæðast treyju félagsins

Torsten Frings, fyrirliði Werder Bremen, er allt annað en ánægður með gengi liðsins síðustu vikur og vill sjá leikmenn spila af meira stolti fyrir félagið.

Bremen tapaði, 4-3, fyrir Mönchengladbach um síðustu helgi og er liðið fyrir vikið í sjötta sæti deildarinnar, 16 stigum á eftir toppliði Bayer Leverkusen.

„Við verðum að fara að hugsa okkar gang og af hverju við klæðumst þessari treyju yfir höfuð," sagði Frings.

„Við getum ekki orðið lélegri en við vorum um síðustu helgi. Hvert tap dregur þó sjálfstraustið úr mönnum og þessi taphrina verður að hætta núna."