Geir er kominn með lögmann - myndskeið

Geir Haarde hefur fengið Andra Árnason hæstaréttarlögmann til þess að gæta hagsmuna sinna nú þegar að ákveðið hefur verið að ákæra hann fyrir Landsdómi. Þetta sagði Geir í kvöldfréttum Stöðvar 2.

Hann segist engu kvíða og segist sannfærður um að hann myndi halda uppi góðri málsvörn. Hann segist hins vegar hafa áhyggjur af þeirri vegferð sem að Alþingi sé komið í núna þegar ákæran hefur verið samþykkt. Verið sé að gera upp pólitískar sakir en ekki sakamál.

Þá vandaði Geir Steingrími J. Sigfússyni ekki kveðjurnar. „Það er svolítið annað hljóð í honum núna en þegar að hann var að reyna að draga mig upp í sumarbústað til tengdaforeldra sinna vorið 2007 til að mynda ríkisstjórn," sagði Geir.



Smelltu á „Horfa á myndskeið með frétt".