Webb dæmir úrslitaleik Meistaradeildarinnar

Englendingurinn Howard Webb mun dæma úrslitaleik Meistaradeildar Evrópu sem fer fram á lauardagskvöldið.

Þá munu Inter frá Ítalíu og Bayern München frá Þýskalandi eigast en leikurinn fer fram á heimavelli Real Madrid á Spáni.

Þetta verður sjötti leikur Webb í Meistaradeildinni á þessari leiktíð en hann dæmdi til að mynda fyrri leik Inter og CSKA Moskvu í fjórðungsúrslitum keppninnar.

Michael Mullarkey og Darren Cann verða aðstoðardómarar hans og Martin Atkinson fjórði dómari leiksins.

Webb mun einnig dæma á HM í Suður-Afríku í sumar og er af flestum talinn besti dómari Englands um þessar mundir.