Fótbolti

Mourinho: Seinna mark Inzaghi var ólöglegt

Henry Birgir Gunnarsson skrifar
Mourinho var í fínu skapi í kvöld.
Mourinho var í fínu skapi í kvöld.

José Mourinho, þjálfari Real Madrid, sagði það vera sanngjarnt að sitt lið hefði fengið stig gegn AC Milan í kvöld. Hann var líka á því að seinna mark Inzaghi hefði verið ólöglegt þar sem Inzaghi hefði verið rangstæður.

Hann hafði nokkuð til síns máls þar.

"Fyrra mark Inzaghi kom eftir mistök Pepé. Það var dapurt. Síðara markið hjá Inzaghi var klár rangstaða en ég vil ekki tala meira um það," sagði Mourinho en hann hrósaði sínu liði sem spilaði frábæran fótbolta lengstum í leiknum.

"Við spiluðum frábæran fótbolta og fyrri hálfleikur var glæsilegur hjá okkur. Milan sýndi mikinn karakter en ekki frábæran fótbolta. Þetta er samt lið með mikla reynslu í Meistaradeildinni og það sýndi sig.

"Við vorum liðið sem spilaði betri fótbolta. Við tókum margar áhættur og markið hjá Pedro Leon var sanngjarnt. Er Real Madrid besta liðið í Evrópu? Við verðum að bæta okkur en við höfum hæfileikana."

Meistaradeild Evrópu

Mest lesið


Fleiri fréttir

Sjá meira


×

Mest lesið