Jóni vikið úr starfi hjá Stoðum

Jóni Sigurðssyni hefur verið veitt lausn frá störfum sem framkvæmdastjóri Stoða samkvæmt tilkynningu sem Eiríkur Elís Þorláksson, stjórnarformaður Stoða, sendi frá sér í dag.

Þar segir að ástæðan sé skaðabótamál Glitnis, sem er stærsti hluthafi Stoða, gegn Jóni. Júlíus Þorfinnsson hefur verið ráðinn framkvæmdastjóri Stoða. Fyrr í dag greindi Vísir frá því að Jón hefði sagt sig úr stjórn Tryggingamiðstöðvarinnar vegna sama máls.

Tilkynninguna má lesa í heild sinni hér fyrir neðan.