Gengi Bakkavarar aldrei lægra í lok dags

Gengi hlutabréfa í Bakkavör Group féll um 4,76 prósent í Kauphöllinni í dag. Það endaði í einni krónu á hlut en fór tímabundið í 99 aura og hefur aldrei verið lægra. Þetta jafngildir því að markaðsverðmæti félagsins nemi rúmum 2,1 milljarði króna.

Þá lækkaði gengi bréfa í Marel Food Systems um 0,97 prósent og Össurar um 0,48 prósent.

Gengi bréfa í Century Aluminum hækkaði um 5,26 prósent á sama tíma.

Gamla Úrvalsvísitalan (OMXI15) lækkaði um 0,88 prósent og endaði í 261 stigi.