Rio: Gáfum tvö ódýr mörk

Rio Ferdinand, varnarmaður Man. Utd, hefur oft leikið betur en í kvöld og átti stóra sök á seinna marki Barcelona í leiknum. Hann segir að varnarleikurinn hafi klikkað í kvöld.

„Það verður að hrósa Barcelona sem lék vel. Við erum samt gríðarlega svekktir að tapa þessum leik en þegar Barca leikur svona vel þá verður maður að vera upp á sitt besta. Við vorum það ekki í kvöld," sagði Ferdinand.

„Ég held að ekki nokkur okkur geti haldið því fram að hann hafi spilað vel í kvöld. Mörkin tvö voru ódýr og það er synd að við skulum ekki hafa spilað vel í kvöld.

„Þetta var ekki okkar dagur og ég óska því Barcelona til hamingju. Ég býð ekki upp á neinar afsakanir. Barcelona var betra liðið í þessum leik," sagði Rio að lokum.