Byrjunarlið Arsenal það yngsta frá upphafi

Byrjunarliðið sem Arsene Wenger, stjóri Arsenal, teflir fram í leiknum gegn Olympiakos í kvöld er það yngsta frá því að keppni í Meistaradeild Evrópu hófst.

Meðalaldur leikmanna í liðinu er 21 ár og 215 daga og bætti Arsenal þar með sex ára gamalt met hollenska liðsins Ajax.

Arsenal er með sex stiga forystu á næsta lið í sínum riðli í Meistaradeildinni og því öruggt með efsta sætið þar sem lokaumferð riðlakeppninnar fer fram í kvöld.

Það hefur einnig vakið athygli að ungur drengur að nafni Tom Cruise er í byrjunarliði Arsenal í kvöld en margir fastamenn eru hvíldir í kvöld. Þeir Theo Walcott, Alex Song og Mikael Silvestre eru þó í byrjunarliðinu í kvöld.