Meistaradeildin: Baráttan um þriðja sætið

Nú þegar er ljóst hvaða sextán lið komast áfram í næstu umferð Meistaradeildar Evrópu en enn á eftir að útkljá um hvaða átta lið það verða sem vinna sér þátttökurétt í 32-liða úrslitum UEFA-bikarkeppninnar.

Liðin sem lenda í þriðja sæti sinna riðla í Meistaradeildinni fá þátttökurétt í sextán liða úrslitum UEFA-bikarkeppninnar.

Alls er það ljóst í sex riðlum af átta hvaða lið lendir í þriðja sæti. Úr riðlum A til D voru það Bordeaux, Shakhtar Donetsk, Marseille og Werder Bremen en lokaumferð þessara riðla fóru fram í gær.

Í kvöld verður leikið í riðlum E til H og er þegar ráðið í tveimur riðlanna hvaða lið verða í þriðja sæti - Álaborg í E-riðli og Zenit í H-riðli. Spennan verður því í F- og G-riðlum en þannig til till að í báðum riðlunum mætast þau lið sem bítast um þriðja sætið innbyrðis.

Hér fyrir neðan má sjá stöðu hvers riðils fyrir sig:

E-riðill:

3. Álaborg 5 stig (-5 mörk í mínus)

4. Celtic 2 (-5)

Álaborg komið áfram þar sem liðið er með betri árangur í innbyrðis viðureignum sínum gegn Celtic (2-1 sigur og 0-0 jafntefli)

Celtic tekur á móti Villarreal í kvöld og Álaborg mætir Manchester United á Old Trafford.

F-riðill:

3. Fiorentina 3 (-4)

4. Steaua Búkarest 1 (-8)

Liðin mætast innbyrðis í kvöld í Rúmeníu. Sigurvegarinn kemst áfram í UEFA-bikarkeppnina en Fiorentina dugir jafntefli.

G-riðill:

3. Dynamo Kiev 5 (-1)

4. Fenerbahce 2 (-6)

Liðin mætast í Úkraínu í kvöld. Fyrri leik liðanna lauk með markalausu jafntefli og dugir Fenerbahce því 1-0 sigur til að komast áfram, þrátt fyrir að liðið væri með verri heildarmarkatölu en Dynamo Kiev. Sigur eða jafntefli tryggir Dynamo sæti í UEFA-bikarkeppninni.

H-riðill:

3. Zenit St. Pétursborg 5 (0)

4. BATE Borisov 2 (-5)

Þessi lið hafa þegar mæst tvívegis innbyrðis. Fyrri leiknum lauk með 1-1 jafntefli en Zenit vann þann síðari í Hvíta-Rússlandi, 2-0. Zenit er því þegar komið áfram.

BATE mætir Juventus á útivelli í kvöld og Real Madrid tekur á móti Zenit.