Liverpool og Chelsea mætast í undanúrslitum

Liverpool og Chelsea komust í kvöld í undanúrslit Meistaradeildar Evrópu. Liverpool vann ótrúlegan 4-2 sigur á Arsenal í stórskemmtilegum leik á meðan Chelsea vann Fenerbache 2-0.

Arsenal yfirspilaði Liverpool í upphafi leiks og komst yfir en staðan var 1-1 í hálfleik þökk sé glæsilegu skallamarki Sami Hyypia. Fernando Torres skoraði síðan gull af marki og kom Liverpool yfir.

Emmanuel Adebayor brenndi af dauðafæri áður en hann náði að jafna í 2-2 eftir frábæran undirbúning Theo Walcott. Með þessum úrslitum hefði Arsenal komist áfram en aðeins tveimur mínútum eftir þetta mark var dæmd umdeild vítaspyrna sem Gerrard skoraði af miklu öryggi úr.

Arsenal setti allt í sóknina og þá komst Ryan Babel í skyndisókn og innsiglaði glæstan sigur Liverpool.

Liverpool - Arsenal 4-2 (Samtals: 5-3)

0-1 Diaby (13.)

1-1 Hyypia (30.)

2-1 Torres (69.)

2-2 Adebayor (84.)

3-2 Gerrard víti (86.)

4-2 Babel (92.)



Chelsea - Fenerbache 2-0 (Samtals: 3-2)

1-0 Ballack (4.)

2-0 Lampard