Fjórir gistu fangageymslur

Fjórir menn um tvítugt gistu fangageymslur lögreglunnar á höfuðborgarsvæðinu í nótt eftir slagsmál og læti á slysadeilda Landsspítalans. Þeir voru í hópi fólks sem komið hafði á slysadeildina eftir slagsmál annars staðar og naut einn úr hópnum aðhlynningar starfsfólks spítalans.

Á biðstofunni sinntu þeir ekki beiðni lögreglumanns um að hætta látum og veittust að lögreglumanninum sem kallaði eftir aðstoð. Talsverður erill var vegna ölvunar í miðborginni í nótt. Níu voru teknir fyrir ölvun við akstur.