Icelandics on Ice (IOI) óskar eftir starfsfólki/knöpum

Icelandics on Ice (IOI) óskar eftir starfsfólki/knöpum til að taka þátt í sýningum á ís í Bandríkjunum frá og með haustinu 2007. IOI hefur gengið frá samningi við frægustu íssýningu allra tíma í Bandaríkjunum. Sýningin samanstendur af heimsklassa skautaatriðum, fimleikum á ís, glæfraatriðum, dansatriðum, tæknibrellum og tónlist. Hljómsveit er með sýningunni.

Sýningin mun ferðast til margra helstu stórborga Bandríkjanna og lýkur sýningartímabilinu í maí 2008. Æfingar hefjast í Arizona í Bandaríkjunum seinni partinn í september 2007. Fjölmiðlakynning á hestum og hópnum fer fram í New York borg áður en haldið er í æfingabúðir.

Átta íslenskir hestar taka þátt í hverri sýningu og okkur vantar góða knapa, þar af einn til tvo svell kalda sem geta eða eru til í að þjálfa sig í að leika listir á skautum með hest/a í löngum taumi. Alls verða sendir út 16 hestar ásamt knöpum, liðstjóra og aðstoðarmanni.

Sýningahaldari sér um allar ferðir, gisingu, fæði og laun. Hér er um einstakt tækifæri að ræða til að vera með í skemmtilegu ævintýri. Almennt er miðað við 18 ára lágmarks aldur en hugsanlega má gera undantekningu.

Konur/stúlkur eru sérstaklega hvattar til að sækja um.

Umsóknir með upplýsingum um; nafn, aldur ,símanúmer og heimilisfang sendist á: umsokn@icelandicsonice.com