Aðeins ein eign á söluskrá á Suðureyri

Mikið líf hefur verið á fasteignamarkaðnum á Suðureyri að undanförnu og eftirspurnin er orðin meiri heldur en framboðið. Fram kemur á vefnum suðureyri.is að ein eign sé á söluskrá hjá Fasteignasölu Vestfjarða, og ekki sé vitað um leiguíbúð í boði. Alls hafa 12% íbúða í bænum skipt um eigendur á undaförnum mánuðum.

Ekki hefur verið byggt nýtt hús frá grunni í firðinum í aldarfjórðung, en samfara uppsveiflunni eru framkvæmdir hafnar við eitt slíkt fyrir botni fjarðarins.