Nóbelsverðlaun í læknisfræði tilkynnt

Tveir Bandaríkjamenn, Andrew Z. Fire frá MIT í Massachusetts og Craig C. Mello við Harvard, fá Nóbelsverðlunin í læknisfræði í ár fyrir að uppgötva leið til að slökkva á ákveðnum áhrifum gena. Talað er um RNA-truflun í þessu sambandi, sem leið til að rannsaka starfsemi tiltekinna gena. Talað er um RNA-truflun í þessu sambandi, sem leið til að rannsaka starfsemi tiltekinna gena. Nú er einnig verið að rannsaka þessa tækni sem hugsanlega lækningaaðferð við veirusýkingum, hjartasjúkdómum, klrabbameini og fleiri sjúkdómum. Bandaríkjmennirnir birtu rannsóknarniðurstöður sínar um þetta efni 1998. Í tilkynningu frá Karolinsku stofnuninni í Stokkhólmi, sem veitir læknisfræðiverðlaunin, segir að þeir hafi uppgötvað grundvallarþátt í upplýsingaflæði gena. Þetta eru fyrstu Nóbelsverðlaunin í ár, en næstu vikur verða veitt verðlaun í eðlisfræði, efnafræði, bókmenntum, friðarmálum og hagfræði.