Sænski Folkepartiet braust inn á netsvæði andstæðinganna

Sænski Sósíaldemókrataflokkurinn hefur kært stjórnmálaflokkinn Folkepartiet fyrir umfangsmikla tölvuglæpi eftir að upp komst að flokksmenn Folkepartiet höfðu ítrekað brotist inn á lokað netsvæði sósíaldemókratanna sem geymir ýmis trúnaðarmál þeirra, þ.á m. uppskriftina að kosningabaráttu sósíaldemókratanna.

Þessi kæra kemur á hápunkti kosningabaráttu fyrir þingkosningar sem verða eftir tæpar tvær vikur. Það hafði vakið grunsemdir sósíaldemókratanna hversu vel Folkepartiet svaraði kosningabaráttu þeirra en það var blaðamaður Dagens Industri sem kom upp um netglæpinn.