Reyes liggur á bæn

Spánverjinn Jose Antonio Reyes segist enn ekki vera búinn að gefa upp alla von um að losna frá Arsenal og aftur til heimalands síns, þar sem hann segir draum sinn að vera genginn í raðir Real Madrid fyrir 23. afmælisdag sinn á föstudaginn.

"Ég sagði umboðsmanninum mínum að hringja ekki í mig fyrr en hann næði samningi við Real Madrid, því ég á mér þann draum heitastan að spila fyrir félagið," sagði Reyes, sem vill ekki spila á Englandi lengur og er kominn með sterka heimþrá.