Næstmesta verðbólgan á Íslandi

Samræmd vísitala neysluverðs í EES-löndunum var 102,4 stig í síðasta mánuði og er það 0,1 prósents lækkun frá fyrri mánuði. Á sama tíma var vísitalan fyrir Ísland 105,7 stig og hafði hún hækkað um hækkaði um 0,4 prósent á milli mánaða, samkvæmt upplýsingum Hagstofunnar.

Frá júlí 2005 til jafnlengdar árið 2006 var verðbólgan, mæld með samræmdri vísitölu neysluverðs, 2,4 prósent að meðaltali í ríkjum EES og á evrusvæðinu og 6,3 prósent á Íslandi.

Mesta verðbólga innan EES á þessu tólf mánaða tímabili mældist í Lettlandi eða 6,9 prósent. Næstmest var hún á Íslandi eða 6,3 prósent. Minnsta verðbólgan var 1,4 prósent í Póllandi og Finnlandi, samkvæmt Hagstofunni.