Síminn fyrstur með WiMAX

Síminn býður nú aðgang að samskiptaneti sem nýtir WiMAX-tækni. Um er að ræða þráðlaust net sem hentar vel fyrir bandbreiðar internetteningar.

Síminn er fyrstur til að bjóða tengingar með tækninni, en þjónustan er nú þegar í tilraunarekstri fyrir sumarhúsasvæði í Grímsnesi. „Um er að ræða langdrægt kerfi sem hentar vel þar sem hvorki er ljósleiðara- né ADSL-samband,“ segir Síminn en með tækninni er við bestu aðstæður hægt að veita notendum mikinn tengihraða og afkastamikla sítengingu við netið.

Nýju tæknina má nýta bæði fyrir talsíma og gagnaflutning.