Neikvæð umfjöllun hafði engin áhrif

Karl Otto Eidem, starfandi framkvæmdastjóri verðbréfafyrirtækisins Fischer Partners, sem er í eigu Glitnis, telur að neikvæð umfjöllun um íslenskt efnahagslíf á fyrri hluta árs hafi ekki haft teljandi áhrif á starfsemi Fischer Partners.

Viðskiptavinir okkar sáu strax að um traustan kaupanda var að ræða með gott lánshæfismat. Svo lengi sem kúnnar okkar fá þá þjónustu sem þeir eru vanir spyrja þeir einskis.

Glitnir keypti á vordögum Fischer Partners fyrir 3,7 milljarða króna. Fischer er nú fimmti stærsti hlutabréfamiðlarinn í norrænu Kauphöllunum með 5,1 prósent af samanlagðri veltu.