Endaði fjörutíu metrum frá vegi

Nítján ára ökumaður missti stjórn á bifreið sinni um hálf átta leytið í gærmorgun á Ólafsfjarðarvegi við bæinn Djúpárbakka, með þeim afleiðingum að bifreiðin valt.

Vegkaflinn þar sem ökumaður ók er hlykkjóttur en malbikaður. Bíllinn endastakkst og fór nokkrar veltur og endaði um fjörutíu metrum frá veginum á hjólunum.

Ökumaðurinn var einn í bílnum og var í bílbelti. Hann slasaðist lítillega og var fluttur til aðhlynningar á Fjórðungssjúkrahúið á Akureyri.

Bifreiðin er talin ónýt.